臺北棧 (形點 I) (已結業)

同男朋友次次放假都勁晏先起身，起身之後就去咗屋企附近嘅形點商場食tea，我哋見到呢一間台灣料理餐廳都幾抵食🤤❤️九層塔鴨蛋葱油餅( tea set)估唔到送到嚟，超大塊嘅蔥油餅！同朋友share就啱晒！好少食到鴨蛋嘅蔥油餅，今次係第一次！非常之特別，同埋都好好食！❤️櫻花蝦麻辣魯肉飯( tea set )滷肉飯都夠晒飽肚，仲要唔係一般嘅配搭，今次呢個加咗櫻花蝦，口感勁豐富，仲要有啲麻辣味，非常惹味！❤️芭樂苦瓜汁本身怕好苦，但芭樂中和左苦瓜嘅苦味，味道好容易接受，而且都好健康！❤️木瓜牛乳超級好飲，有香濃牛奶味，又有木瓜嘅香甜口味！