三才魚蛋粉麵

營業中

休息中

今日來到銅鑼灣行逛，又到下午茶時間，就搵到三才魚蛋粉麵醫下肚。兩點半後，粉麵可選擇跟熱飲，炸魚皮或油菜一款。加七蚊仲可跟凍飲。下午茶時間旺到要排隊😵‍💫等了十五分鐘左右入座。我要了魚蛋河加腩汁，熱辣辣上枱，份量於下午茶時段都冇減少。魚旦魚片彈牙，食落唔會好林好散。腩汁都好香，滑溜河粉吸收了腩汁，正。牛雜河都足料，牛雜軟嫩兼入味。炸魚皮很酥脆，於下午茶限額很早便滿晒了。當然客人可給正價試下嘅。油菜選了蠔油生菜，都新鮮翠綠。兩人埋單都唔洗一百元，係銅鑼灣真係少之又少，性價比都算高。