影片
更多
2022-08-30
54 瀏覽
原來最近呢間餐廳有新攪作，好彩睇食評嘅時候見到有人介紹！係weekend semi lunch buffet呀！半自助形式，叫一個主食，其他小食，仲有幾款飲品可以無限添飲，性價比真係非常之高！餐廳都幾大，有唔少座位，而且都有幾多打卡位。我同朋友星期六霸定頭位， 12點嚟到😎😎南瓜湯非常濃郁👍🏼一大碗，暖入心🥰雖然好飲，但係湯係冇得添加架😆第一款叫嘅小食，已經好高質！蟹肉瑞士卷，真係有一絲絲蟹肉！瑞士卷部份軟熟，又唔會好甜，所以同蟹肉都幾match，配咖啡真係冇得頂！黑松露蘑菇撻非常推薦！黑松露味香濃，個撻唔會太大，食多一兩件都唔驚太飽啦😋新鮮出爐，外皮好香脆，超正！西班牙馬鈴薯沙律呢個沙律，簡直係誠意之作！我以為普通薯仔沙律，就咁一堆白色野，點知佢哋好用心！！加咗啲新鮮沙律菜，蕃茄仔，同埋紅椒粉只係少少一個沙律，都注重擺盆！你話係咪應該打卡先😎😎我哋其中一個主菜，叫咗烤紐西蘭羊T骨配薄荷醬。羊肉香氣噴鼻，非常吸引。T骨部位喺一般餐廳比較少見，好多時候只係會食羊架。T骨有唔少筋位，但唔係肥肉，好好咬口，軟糯，羊味有非常香濃，都幾惹味👍🏼除咗肉之外，仲有好多嘅紫薯蓉，就咁食，或者配羊肉、同
係weekend semi lunch buffet呀！
半自助形式，叫一個主食，其他小食，仲有幾款飲品可以無限添飲，性價比真係非常之高！
餐廳都幾大，有唔少座位，而且都有幾多打卡位。我同朋友星期六霸定頭位， 12點嚟到😎😎
南瓜湯非常濃郁👍🏼
一大碗，暖入心🥰
雖然好飲，但係湯係冇得添加架😆
第一款叫嘅小食，已經好高質！
蟹肉瑞士卷，真係有一絲絲蟹肉！
瑞士卷部份軟熟，又唔會好甜，所以同蟹肉都幾match，配咖啡真係冇得頂！
黑松露蘑菇撻
非常推薦！黑松露味香濃，個撻唔會太大，食多一兩件都唔驚太飽啦😋新鮮出爐，外皮好香脆，超正！
西班牙馬鈴薯沙律
呢個沙律，簡直係誠意之作！
我以為普通薯仔沙律，
就咁一堆白色野，
點知佢哋好用心！！
加咗啲新鮮沙律菜，蕃茄仔，同埋紅椒粉
只係少少一個沙律，
都注重擺盆！
你話係咪應該打卡先😎😎
我哋其中一個主菜，叫咗烤紐西蘭羊T骨配薄荷醬。羊肉香氣噴鼻，非常吸引。T骨部位喺一般餐廳比較少見，好多時候只係會食羊架。T骨有唔少筋位，但唔係肥肉，好好咬口，軟糯，羊味有非常香濃，都幾惹味👍🏼
除咗肉之外，仲有好多嘅紫薯蓉，就咁食，或者配羊肉、同其他小食一齊食，都幾滋味🥰🥰
西班牙章魚墨汁燉飯
另一個煮食，我哋揀咗澱粉質，黑色嘅飯，雖然會食到個嘴黑蚊蚊，但係我超鍾意❤️好鍾意墨汁嗰種鹹香味！除咗章魚嘅身體之外，仲有章魚腳！大大片，口感超豐富！
我覺得最無敵嘅就係依兩款小食，組合埋一齊食！我叫左兩轉🫣🫣
蕃茄麵包配醃蒜頭，紅椒，蕃茄
麵包非常軟熟，咬兩下，已經融化，但又唔會漿住個口！醃製咗嘅蒜頭，紅椒，咬落去散發出佢哋本身嘅香甜味，仲有啲汁，非常好食！如果覺得太單調，可以夾埋另外一款小食：香辣蒜香橄欖油大蝦
根本佢啲小食就係非常屈機，咁高質，但又唔算太貴，任食喎，真係好抵囉！環境又唔會太迫太嘈，拍拖或者同朋友聚會都岩😎
張貼
