影片
更多
2009-01-03
27 瀏覽
25號晚買一送一buffet, 每位$180, 聖誕節夜晚咁既假錢, 都好難搵到一間再抵既buffet~~連我阿婆都話勁抵!之前去過灣仔皇悅食buffet, 真係要搶果隻囉~ 感覺都幾差, 所以今次就book尖咀呢間試下, 順便影下燈色添~~我同老公6:30就準時到, 行左一個圈都見到唔少野食, 同埋d賣相都幾ok, 至少乾淨先呀~~因為環境局限, 每次每種食物(沙律, 甜品同小吃)都係放得10碗出黎, 不過refill速度好快, 算唔錯~ 麵包多士類唔好試, "林"左, 唔知係聖誕節特別忙定係咩原因, 總之d麵包類既野都唔得! d湯可以不試, 留肚食沙律仲好, 沙律個賣相真係好靚~ cesar salad最好食, d生菜超新鮮, 好過平時響delifrance加十蚊果個囉~ 呢個係無限添食架!小吃類有8款到, 有鵝肝醬多士, 水牛芝士夾蕃茄, 煙三文魚etc, 除左都係多士"林"既問題, 其他都無咩問題, 唔錯.熱盤大概有十款, 有石班, 海南雞, 椒鹽鮮魷, 雞翼, 花膠冬菇, 煙鴨胸etc, 整體味道算唔錯, 特別係個海南雞, 唔討論佢做法正唔正宗, 但總之隻雞既味道真係唔錯,
之前去過灣仔皇悅食buffet, 真係要搶果隻囉~ 感覺都幾差, 所以今次就book尖咀呢間試下, 順便影下燈色添~~
我同老公6:30就準時到, 行左一個圈都見到唔少野食, 同埋d賣相都幾ok, 至少乾淨先呀~~
因為環境局限, 每次每種食物(沙律, 甜品同小吃)都係放得10碗出黎, 不過refill速度好快, 算唔錯~
麵包多士類唔好試, "林"左, 唔知係聖誕節特別忙定係咩原因, 總之d麵包類既野都唔得!
d湯可以不試, 留肚食沙律仲好, 沙律個賣相真係好靚~ cesar salad最好食, d生菜超新鮮, 好過平時響delifrance加十蚊果個囉~ 呢個係無限添食架!
小吃類有8款到, 有鵝肝醬多士, 水牛芝士夾蕃茄, 煙三文魚etc, 除左都係多士"林"既問題, 其他都無咩問題, 唔錯.
熱盤大概有十款, 有石班, 海南雞, 椒鹽鮮魷, 雞翼, 花膠冬菇, 煙鴨胸etc, 整體味道算唔錯, 特別係個海南雞, 唔討論佢做法正唔正宗, 但總之隻雞既味道真係唔錯, 而肉質又真係好, 所以我都添食過~ 同埋真係好多小朋友, 好多炸野焗野都o岩晒佢地胃口~
海鮮有扇貝, 蝦同青口, 一早知道無生蠔, 不過好多地方既buffet都無生蠔, 但我唔食, 所以無咩損失~~
聖誕節有火雞, ok, 至少唔會鞋晒囉, 不過我覺得火雞唔算係好味既食物, 所以點整都唔會變好味~
老公話牛扒同羊扒都唔錯, 可以一試.
甜品就真係要小心揀, 佢每次每款出十碗, 食完果十碗可能就換款, 所以成晚都見到唔少款出過, 焦糖燉蛋最好味, 其他布甸都可以, 但係蛋糕就唔ok, d味道好假, 生果得兩款, 不過都已經好飽, 都無咩位留比甜品生果囉~
問心, $180聖誕節去食個晚餐, 有咁多款野食, 同埋d食物都ok好味, 真係算唔錯, 行過去華美達都要$200幾, 百樂要$300幾啦~ 不過我深信皇悅好過華美達囉~
如果下年聖誕節有咁平既buffet, 我都會再食!!
張貼
