炭烙

好耐冇去北角，發現咗呢間隱藏小店！餐廳氣氛輕鬆自在，嘢食價錢性價比都唔錯👍🏻

特別推介呢碗色香味俱全嘅牛舌丼。牛舌厚度同口感都啱啱好，鮮汁瞬間在口中迸發，搭配香濃醬油加埋葱嘅香氣，真係絕配。份量都好足，重點係先78蚊！

原來而家仲有任飲放題，$168 就可以暢飲兩個鐘！飲品選擇多樣，仲有各種果味梳打都可加上雪糕球，夏天嚟嘆返杯就啱哂！仲有十勝紅豆冰🫘，食日本嘢襯紅豆冰都幾爽！臨走再食多件焦糖芝士蛋糕，非常滿足😋愛好牛舌一定要試下

超抵牛舌丼仲有任飲放題👍🏻