難得放假就近近哋同屋企人去相馬打返個邊爐！火炭沙田商業中心呢間分店開咗唔係好耐〜今次嗌咗$258放題，肉、海鮮、日式燒物炸物、菜、飲品、雪糕雪條都係任食！勁多嘢揀！講真環境唔錯，兩個人都有得坐卡位〜
套餐可以仼叫Prime Grade 牛肩胛，仲有美國進口牛肉、雞髀肉、豚肉。牛肉係薄身嘅，識落都好嫩滑，唔會勁多肥膏，油脂分布都好均勻。豚肉正常發揮，都唔錯！
值得一提嘅係個海鮮拼盤，一上枱啲蝦仲跳緊🤣望落就知新鮮，食落都好鮮甜！啲蝦特別鮮味，忍唔住係咁食！瘋狂食海鮮都值回票價！
最吸引我嘅係佢呢度竟然有串燒同炸物！！真心少有，燒菠蘿係必食，勁香甜多汁！金菇肥牛都好正。仲食咗幾款雞翼～過吓口癮都唔錯。
1
出邊自助吧，蔬菜，丸，麵都有好多款。最後食埋雪糕🍦就大滿足！
