熊小館 (已結業)

行過新都城搵食，經過時見到一間勁多熊仔既餐廳，由門口到餐廳入面都有大大小小既熊仔，唔好話小朋友，大人見到都心心眼，咁啱撞正下午餐時間，就入去試下。烤雞肉羅宋湯螺絲粉 $46先講湯底，好濃好香，酸酸甜甜好開胃，下午茶嚟講好大兜，雞肉嫩滑唔嚡。唐揚炸雞扒還飯配燒汁 $47炸雞扒啱啱炸起，外皮香脆，內裡多汁，大大塊加白飯，男士至愛。瘋薯 $40見到隔離枱叫，非常香噴噴，搞到自己都叫返碟，熱辣辣新鮮炸起，加上檸檬沙律醬及茄汁，好快就食哂。心太軟 $40香濃流心朱古力，加上忌廉組合，一冷一熱好正。