夏銘記 (已結業)

早前睇節目介紹夏銘記，由於佢地點唔算好就腳，所以咁耐以黎都未有機會試。今日去搞証件，就有機會一試。要了四寶河，有墨丸，魚旦，魚皮餃同紫菜。魚旦有兩粒，其餘有一粒。魚旦無想像中咁彈牙，甚至有少少淋。相反，墨丸超好食，好彈又有蔥香，可惜只得一粒。魚皮餃都好得，皮彈牙，唔太多肥肉。老闆同老闆娘都喺舖頭，老闆好好人，見到個熟客小朋友就請咗佢食一碟魚皮。又會同熟客傾偈，而家呢啲小店真係買少見少了！