208 Duecento Otto (已結業)

好多年前光顧呢間餐廳，諗住今年同一班老友食餐生日飯。提前左兩個星期訂位，同個經理講如果當日冇人訂整個Terrace area就盡量安排比我地，結果晚飯前一日同個經理confirm，佢話有两位訂左window seats安排唔到Terrace window seats比我地，我同佢講佢地只係訂兩位我地可以一齊共用Terrace window area，個經理話因為我地冇比訂金又話我地咁多人會用餐好耐，要留比D散客坐window seat，咁佢洗唔洗好似中菜咁分時段，我問點解你冇人book Terrace area唔比我地8人坐而又比2人坐，佢話人多都可以食好平嘅野，咁2人係咪食得貴過8人呀？仲話如果我一定要坐Terrace就逼埋6人位，將大櫈轉細櫈。佢都痴線㗎，咁嘅service想再幫襯你都幾難。好朋友話轉地方唔好幫襯佢。搵左間包房價錢又合理嘅法國菜。