TAP The Ale Project (已結業)

今日成33度，一行八人， 有細有大， 去完附近朋友嘅舖頭開張，就諗住去Tap坐低飲杯啤酒，點之激氣到震😠見到佢有人走，諗住啱喇有大枱，我哋喺門口等。。 女店員 (短頭髮戴眼鏡) 隔咗一陣出嚟同我哋度體溫， 出面氣溫真係好熱，個個大汗疊細汗，我哋有三個人過咗37.5度 ( 2個37.7，其中有個係抱住個小朋友，小朋友瞓咗覺) 。 店員話要再探過，我哋梗係冇問題，畀佢再探過，有兩個就變返正常溫度 (包括 抱著小朋友嗰個) ， 跟住店員一粒聲都冇就入返去，我哋 全部人企喺出面以為等入座， 企咗喺出面都好耐(熱死人！😩) ，個店員行出嚟冇任何指示！我哋咪話點解有枱，我哋正常溫度嗰啲唔可以入去先呢😠！？！？ 佢話溫度未正常嗰個要再探㗎喎， 我哋全部人冇得入去喎 ！我哋問其他正常溫度嘅，有老有嫩，點解唔可以入去先呢🤔？未過溫測嘅朋友話自己可以完全唔入去！ 但該店員態度仍然十分惡劣！完全冇諗住點樣幫我哋安排入座，更加冇體諒抱住小朋友嗰位，佢完全都唔想畀我哋入去結果我哋頂唔順啦， 無止境咁企喺門口， 又熱又焗又戴住口罩， 所以就走咗。咁嘅服務態度真係好唔掂！ 可能佢恃住大把生意啦🤷‍♀️🤦‍♀️