Cosmos Restaurant & Bar (已結業)

一進到餐廳後感覺地方不算非常大，但食物是絕對有質素，服務員看見我們進店後便很有禮貌地推介我們他店裏的食品。講到嘢食，我地就叫左黑松露野菌忌廉湯、同埋木煙燻美國斧頭扒，最後仲叫咗法式甜品拼盤。個黑松露野菌忌廉湯好好飲，非常香濃，飲落去個感覺真係唔錯，亦都有口感。跟住個重頭戲就係斧頭扒，因為斧頭扒需要點時間制作所以時間就無咁快，食好野係要等下。個老闆勁細心囉，先係送咗個扒過嚟，俾我哋影咗相之後先再切俾我哋食，個斧頭扒係勁大舊，（大舊到四個人都食唔哂，多啲人食會好啲），切咗出嚟都覺得好大舊，食落去個肉質好軟身，好好食！係絕對值得一試，真心推介個美國斧頭扒！最後梗係食甜品啦，都唔錯嘅，朱古力又唔算太甜😋。