I Leisure (已結業)

朋友話想去食shake shake海鮮 ，我係第一次食，小龍蝦都係好少食，就去試下。環境舒服，仲有打卡位，d枱擺得疏離，唔會逼，好適合幾個女仔一路食一路傾計。麻辣小龍蝦係跟shakeshake海鮮送♥️餐廳二人同行惠顧主食就送一份麻辣小龍蝦1份‼️小龍蝦個汁好惹味，仲要都大盤，一人食到5-6隻。然後重點戲shake shake 海鮮嚟喇！個汁係餐廳獨創的馬來西亞特色辣汁！超正！waiter哥哥喺我地面前shake再倒出嚟，打開果下香氣撲鼻，牛油味好出，淨係聞都知個汁好香濃。識揀一定先揀粟米，牛油同粟米最夾，真係好甜好香😋海鮮睇落唔大袋但都好夠4個人食，鮑魚一人一隻，仲有青口、蝦等，全部都好新鮮，同埋鮑魚驚喜地洗得好乾淨，食得安心。見到腸仔果下個頭有啲問號，但咬落爆汁又有芝士味就覺得好好食🤣另外仲叫左豬手，唔食豬嘅朋友都有食，話冇豬壓味。都幾入味，食落d脂肪都係爽口唔肥膩。黑松露意粉，黑松露味好足，又係牛油落得好重嘅一道菜，所以好香。