悅滿軒

Item: 悅滿軒
Rating: 0
Author: eat___frog

House of Joy

4.5

616 食評

味道

環境

服務

衛生

抵食

24192

荔枝角

$101-200

法國菜西式

複製到剪貼簿

520

eat___frog

等級2

悅滿軒係一間法國風情西餐廳❤️今次係來慶祝生日，絕對值得encore。服務好👍🏻，職員都好有笑容同禮貌，上菜速度有控制，食完一道菜都會幫你換新碟。另外生日職員會幫手影一張即影即有，超級貼心。食物方面點左一款沙律，前菜，main and dessert。落單後就會上餐前包，包有芝麻同南瓜籽，煙韌有口感，配上自家牛油，多一層風味▶️慢煮法國鴨髀金柚沙律配檸檬油醋汁份量多。鴨髀肉質嫩滑帶有濃厚鴨香，搭配唔同種類嘅沙律菜，口感上會多左變化。金柚+檸檬油醋汁令到成個沙律都好fresh唔會有油膩感，整體味道平衡融洽。推薦指數⭐️:4.3/5▶️西班牙紅蝦他他配意大利魚子醬+墨魚脆片🦐必點item⭐️紅蝦他他鮮味十足，第一啖已經成口都係紅蝦獨有嘅鮮甜，再加上有魚子醬，更增添風味同口感。建議一定一定要點埋佢碟上嘅紅莓醬食，多左少少酸甜即刻昇華左整道菜嘅味道同完整性。推薦指數⭐️:4.8/5▶️生蠔 $10/1pc價錢反映一切，蠔有少許海水味，比較瘦唔creamy同埋有啲腥，未去到好差嘅，同自助餐蠔嘅水準差唔多。除非你真係好鍾意食生蠔唔介意有啲腥嘅話都可以試，否則我唔推介。佢另外有款六國生蠔$198/6pcs，相信水

0 瀏覽

0 讚好

0 留言

▶️慢煮法國鴨髀金柚沙律配檸檬油醋汁
份量多。鴨髀肉質嫩滑帶有濃厚鴨香，搭配唔同種類嘅沙律菜，口感上會多左變化。金柚+檸檬油醋汁令到成個沙律都好fresh唔會有油膩感，整體味道平衡融洽。
推薦指數⭐️:4.3/5

▶️西班牙紅蝦他他配意大利魚子醬+墨魚脆片🦐
必點item⭐️紅蝦他他鮮味十足，第一啖已經成口都係紅蝦獨有嘅鮮甜，再加上有魚子醬，更增添風味同口感。建議一定一定要點埋佢碟上嘅紅莓醬食，多左少少酸甜即刻昇華左整道菜嘅味道同完整性。
推薦指數⭐️:4.8/5

▶️生蠔 $10/1pc
價錢反映一切，蠔有少許海水味，比較瘦唔creamy同埋有啲腥，未去到好差嘅，同自助餐蠔嘅水準差唔多。除非你真係好鍾意食生蠔唔介意有啲腥嘅話都可以試，否則我唔推介。佢另外有款六國生蠔$198/6pcs，相信水準應該會好啲，但我冇試到。
推薦指數⭐️:3/5

▶️烤原隻西班牙墨魚🐙配墨魚汁意大利飯，法式燴番茄🍅
Signature 💫✨都係必點item⭐️份量適合3-4人。我哋2個人食超級飽。Risotto煮得好creamy，口感有咬勁得來裏面好鬆軟，配搭法式燴番茄非常消膩，令人飽都想繼續食。重點❗️❕ 墨魚size超級大隻，鮮甜有海水味，口感軟糯彈牙，真係好好食🤤
推薦指數⭐️:5/5
唯一缺點真係份量太多，建議3人以上先食

0 瀏覽

0 讚好

0 留言

▶️阿拉斯加焗雪山🍨❄️
值得一讚嘅係擺盤好靚好有心機，好啱打卡。店員會喺你面前倒點左火嘅Rum酒淋上面，畫面好靚，不過燒到咁上下記得自己吹熄佢，如果唔係蛋白燶左會苦。

味道方面，rum酒淋左係外層蛋白cream，包著薄薄嘅海綿蛋糕同一大磚雲呢拿雪糕，口感好好，配搭外層嘅rum酒蛋白cream一齊食可以中和一下雪糕嘅甜味。不過始終份量太多，嚿雪糕真係好大嚿🤣，食到中間都開始覺得有啲甜膩。建議三至四個人分食會冇咁大負擔🤣
推薦指數⭐️:4/5