影片
更多
2020-01-18
50 瀏覽
話說啱啱去完峇里島，就愛上左食印尼菜！係香港好少食到正宗嘅印尼菜，不過終於比我搵到！呢間鋪頭細細地，但係超多人！平時呢度都好多姐姐聚集。門口都有佢哋自己整嘅一啲小食買，例如班蘭蛋糕，椰汁千層糕等等。餐牌超多選擇！睇到眼花撩亂！樣樣睇落都好似好吸引咁。咁岩見到類似我哋喺印尼食過嘅bebek 髒鴨飯，決定再食！另外仲見到花膠湯粉皮幾特別，所以都試下。我哋兩個人另外叫咗三串沙嗲，一碟菜，同埋兩杯飲品。高良薑炸鴨腿飯(+$15轉斑蘭飯)鴨腿外層炸得好crispy，超香脆！肉質唔錯，啖啖肉，有鴨味，如果唔鍾意嘅話可以揀雞髀！個飯睇落超吸引，成個擺盤都好靚。特登加錢轉班蘭飯因為自己好鍾意班蘭味，果然係值得嘅！比一般嘅飯更加香，感覺有少少椰汁味。另外仲有兩塊脆片同埋一個豆腐做配菜，脆片都好好食！超豐富，一個人食都夠飽。印尼花膠湯班蘭雞粉皮呢個幾特別，唔知道印尼都有花膠湯粉皮。個湯幾好味，感覺係冇味精嘅可以飲，而且湯底都有好幾舊花膠可以食，正呀！粉皮好薄好滑，雞肉都嫩身，整體唔錯，清清地幾養生。雞肉沙嗲好好食嘅沙嗲！雞肉超嫩！而且足料啖啖肉，同埋好香，配埋醬汁好夾。超推介！石栗馬拉盞炒通菜入味，而且超
係香港好少食到正宗嘅印尼菜，不過終於比我搵到！
呢間鋪頭細細地，但係超多人！平時呢度都好多姐姐聚集。
門口都有佢哋自己整嘅一啲小食買，例如班蘭蛋糕，椰汁千層糕等等。
餐牌超多選擇！睇到眼花撩亂！樣樣睇落都好似好吸引咁。咁岩見到類似我哋喺印尼食過嘅bebek 髒鴨飯，決定再食！另外仲見到花膠湯粉皮幾特別，所以都試下。我哋兩個人另外叫咗三串沙嗲，一碟菜，同埋兩杯飲品。
高良薑炸鴨腿飯(+$15轉斑蘭飯)
鴨腿外層炸得好crispy，超香脆！肉質唔錯，啖啖肉，有鴨味，如果唔鍾意嘅話可以揀雞髀！
個飯睇落超吸引，成個擺盤都好靚。
特登加錢轉班蘭飯因為自己好鍾意班蘭味，果然係值得嘅！比一般嘅飯更加香，感覺有少少椰汁味。
另外仲有兩塊脆片同埋一個豆腐做配菜，脆片都好好食！超豐富，一個人食都夠飽。
印尼花膠湯班蘭雞粉皮
呢個幾特別，唔知道印尼都有花膠湯粉皮。
個湯幾好味，感覺係冇味精嘅可以飲，而且湯底都有好幾舊花膠可以食，正呀！
粉皮好薄好滑，雞肉都嫩身，整體唔錯，清清地幾養生。
雞肉沙嗲
好好食嘅沙嗲！雞肉超嫩！而且足料啖啖肉，同埋好香，配埋醬汁好夾。超推介！
石栗馬拉盞炒通菜
入味，而且超大碟！香香地辣辣地，好惹味。
牛油果沙冰
個人超鍾意食牛油果！所以見到有牛油果沙冰諗都唔使諗一定要嗌！呢個沙冰嘅牛油果超級濃郁，沙冰亦都好厚好滑，而且真係好足料好香牛油果味，但係飲完真係好飽！
青檸梳打
朋友就嗌左個青檸梳打，正宗傳統飲品，飲完幾開胃。
臨走我哋仲食咗個椰汁千層糕。呢個味道真係好正宗，好香椰汁味，而且個質地好軟身好新鮮！好想再食但係真係太飽。下次經過都可以外賣帶返屋企食。
總括來講今餐真係有驚喜！估唔到香港都有咁好食嘅印尼菜，啲嘢食真係好香，而且全部都好好食！下次諗嘢食嗰陣又多一個選擇啦，唔使次次都食泰國日本中西餐🤣
張貼
