NUTTEA (旺角中心第一座) (已結業)

前排陪朋友行街，行行下dry dry地，就搵下附近有無咩飲品可以買，無意中見到呢間黃店，仲感覺健康小小既手搖店。就咁睇menus，佢唔係普通珍珠奶茶店，而係主打堅果/奶蓋既。左揀右揀，我最後揀咗宇治抹茶堅果奶蓋茶，半塘。佢上面個層奶蓋望落好正，上面有小許堅果，首先我就直接試佢地個奶蓋，好邪惡啊！係勁好味，甜甜地咸咸地，間中咬到D堅果好脆卜卜，好夾。另外佢個杯蓋設計都好方便，為咗方便我哋食奶蓋，可以半打開。食完奶蓋就可以飲下面既部分，佢個層宇治抹茶都好好飲，最後試完你可以將佢哋搞埋一齊飲，再有另一番風味。而我朋友就選左香芋堅果奶， 初初見佢用呢個紙杯裝住，嚇親我哋兩個仲以為係熱飲，好彩佢係凍飲嚟既。佢嗰杯呢就要正常糖正常冰，佢入口係好淡嘅香芋味，相信應該係比較天然所以真係算清淡，香芋泥都好紮實，所以呢款真係比較岩輕食 減肥 健康飲食既朋友。