影片
更多
2018-10-23
45 瀏覽
旺角要打邊爐會有好多選擇，但係木桶噴泉火鍋就唔係度度都有喇。一入到去店內，環境好舒適又整齊，裝修同四周嘅佈置都好似成班朋友係party room咁。店員態度友善之餘，服務都好細心。每張枱都有一個調味盆，可以揀翻自己鐘意嘅醬料，唔洗好似其他火鍋店要另外去醬料區拎。食到咁上下，可以攞準備好嘅隔去隔走湯底面頭果層油，平時係其他火鍋店要特登問先會有。店員亦都好勤快，隨時都會問下洗唔洗加湯。重點係食物一啲都唔差，重幾驚喜。👍🏼🤤🔍 花膠螺頭藥膳雞鍋 $248想養生、滋補就要揀呢款湯底喇！店員拎個木桶過黎果陣已經有浸淡淡嘅藥材香。食火鍋最緊要係湯底，所以個湯一滾我就勺左一舀黎飲，鮮甜！飲完一啲都唔會口渴！就咁望埋去個木桶入面，就可以見到有雞件、花膠、紅棗、杞子、沙參等等嘅食材，一睇就個落足料啦～花膠厚身、雞肉嫩滑，非常推薦！木桶嘅周邊圍住會有啲窿窿，原來係噴泉口勺嘅湯係無油架！店員重介紹可以係噴泉口沖一沖淥好嘅食物，咁就可以沖走啲油，絕對要用嘅小技巧！🔍 阿根廷紅蝦 $128食火鍋可能都會想叫翻一、兩款海鮮，呢度海鮮選擇好多，淨係蝦都有7種，睇到我眼花繚亂呀，最後揀左呢款阿根廷紅蝦。佢比起平時食嘅
🔍 花膠螺頭藥膳雞鍋 $248
想養生、滋補就要揀呢款湯底喇！店員拎個木桶過黎果陣已經有浸淡淡嘅藥材香。食火鍋最緊要係湯底，所以個湯一滾我就勺左一舀黎飲，鮮甜！飲完一啲都唔會口渴！就咁望埋去個木桶入面，就可以見到有雞件、花膠、紅棗、杞子、沙參等等嘅食材，一睇就個落足料啦～花膠厚身、雞肉嫩滑，非常推薦！木桶嘅周邊圍住會有啲窿窿，原來係噴泉口勺嘅湯係無油架！店員重介紹可以係噴泉口沖一沖淥好嘅食物，咁就可以沖走啲油，絕對要用嘅小技巧！
🔍 阿根廷紅蝦 $128
食火鍋可能都會想叫翻一、兩款海鮮，呢度海鮮選擇好多，淨係蝦都有7種，睇到我眼花繚亂呀，最後揀左呢款阿根廷紅蝦。佢比起平時食嘅蝦大隻好多，差唔多有我手板咁長。佢可以兩食，當刺身食嘅話會鮮甜嫩滑。不過我比較喜歡洽一洽，肉質會爽口彈牙，同時又鮮甜。
🔍 特色炸魚皮 $58
見到店鋪推介而揀左，開頭以為佢只係普通打邊爐嘅魚皮再加啲調味，但上菜果陣嘅外形已經睇得出分別。原來佢係釀左啲墨魚滑係面頭再拎去炸，值得一試！鐘意酥脆嘅可以沾旁邊嘅沙律醬食，或者好似平時咁浸一浸個湯底食都得。個人比較推薦就咁食，記得要趁熱食，會更加好味！
🔍 本地手切肥牛 $188（小）
肉質鮮嫩，食落有少少厚度，但唔會韌。牛味唔算好濃，但可以接受。
🔍 即包手工九菜餃 $68
餃子皮煙煙韌韌，唔會太厚。餃子大細啱啱好，一啖就食得曬。食得去有濃濃嘅韭菜味，味道唔錯，不過比其他食物就略為普通左少少。
🔍 紫色准山片 $38
普通准山就食得多，紫色嘅都係第一次試。除左顏色鮮豔搶眼，比起一般准山佢會更多清甜，而且質地都會比較分。鐘意食粉一啲嘅准山不防揀反呢款。
🔍 香茅咸檸七 $22
打邊爐熱辣辣咁，點都要一杯野飲降一降溫。佢飲落去比起普通咸檸七會多左一浸淡淡嘅香茅味，本人覺得有少少似薄荷嘅味道。
🍽7/10
🔎橫浜街場
旺角彌敦道726號7樓
張貼
