文記傳統車仔麵茶餐廳 (已結業)

朋友介紹食煎釀三寶一定要去淘大廣場附近呢一間叫文記傳統車仔麵茶餐廳👍🏻佢真係好傳統嘅嗰個設計！圓枱，圓櫈，要搭枱！佢嘅車仔麵我就未試過啦！我就對佢嘅煎釀三寶好高評價🤣！之前去淘大廣場搵朋友嘅時候，佢就話帶我食好嘢，就嚟咗！本身我唔係太鍾意食煎釀三寶！因為覺得好熱氣，凍左又唔好食，好多都就咁夾俾你，冷冰冰！不過呢一間文記就完全唔同～ 最好食嘅係佢嘅炸雲吞皮，即刻炸，脆卜卜，我每次都叫10塊🤣🤣 今次又同朋友食，冇要到炸雲吞皮，叫咗豆腐，茄子，紅腸！佢好平！所以我地叫得特別多！豆腐好大舊，係我嘅至愛！佢會即刻整俾你！有時仲會即刻炸，超正！拎上手係熱，食落口係會熱親！好香口👍🏻