新泉發潮州飯店 (已結業)

岩岩睇下 D 舊相，見到幾個月前係新泉發食既羊腩煲，夏天食唔到，唯有寫返個食評。本人都係新泉發既熟客，特別去食宵夜。每年大約 11 月至 2 月 先有既枝竹羊腩煲，呢間個湯底好夠濃，枝竹又多，羊都好足料。落單後大約等三四個字先有得食。羊肉炆到好入味，夠稔。附上生菜一碟，兩個人，幾支啤酒一個煲，夠晒飽。另外都成日會叫打冷野，不過冇相唔好意思，如掌翼，蠔粥等等。蠔粥如果有三四個人可以叫大煲，佢入面都好多蠔，加埋 D 豬肉碎，芫茜，魷魚乾等等，好好食。講完野食，服務方面，去得呢 D 鋪都唔會有咩要求，老細都好好人。只係有時忙會出野慢 D。環境裝修後光猛左，都算乾淨，廁所都冇臭味。整體黎講都抵食，夠冷氣，同朋友吹水宵夜既好地方。