Cinnabon (勿地臣街) (已結業)

Cinnabon開左一段時間, 其實都係最近朋友買左個請車車食先第一次試, 估唔到一試就愛上左, 佢地玉桂卷只需叮45秒就食得, 熱辣辣香噴噴, 軟綿綿, 食落玉桂味好香, 每一層都有玉桂醬, 好足料好好味, 超級邪惡!今日同好姊妹經過附近又心思思想買幾個番屋企食, 除左幾款恆常口味, 最近仲推出左檸檬椰子口味, 車車當然唔會錯過啦! 除左檸檬椰子, 車車仲買左3個細嘅一口size, 分別係焦糖蘋果肉桂, 黑朱古力花生醬同原味!車車就最中意焦糖蘋果玉桂同黑朱古力花生醬, 前者有一粒粒嘅焦糖蘋果, 焦糖蘋果一向同玉桂係好朋友, 所以一定係絕配, 加上口感豐富, 夏天食幾開胃! 黑朱古力花生醬極邪惡, 每啖都食到花生醬同朱古力嘅味道, 富層次感!咁熱當然要整番2杯凍飲降下溫, 車車點左限定嘅檸檬椰子梳打同cold brew with vanilla cream, 檸檬椰子梳打味道清爽相當夏日, cold brew啡味突出, 加上vanilla cream令口感更順滑