金華美食

加咗燒賣關注組好耐，早幾年移民咗外國，見關注組介紹我細個居住嘅長沙灣有一間好出名嘅燒賣，今日雖然3號風球都特登去試吓，去到人唔多得兩個人啱啱買完喺側邊食緊。叫咗一串燒賣老闆幫我加咗豉油。平時都會食辣油，但係今次想試吓啲燒賣係咪真係唔同啲所以淨係落豉油食，點知食落口頂！苦嘅，係啲豉油苦嘅，我真係唔明點解咁多人推介！！另外有一個問題就係我冇加辣椒油燒賣都係辣嘅，應該老闆放落去個碟加豉油嗰陣時佢個底嘅豉油係辣嘅，好彩今日冇帶細路一齊去食，如果唔係啲小朋友一咬落去就辣到飛起！