Interval | Farmacy (數碼港商場) (已結業)

終於都交左report!!!!系時候食翻餐好既慶祝下！去左薄扶林數碼港食晚餐。叫咗個5道菜晚餐，全部都好好食好正！💟龍蝦濃汁義大利飯伴炭烤原隻龍蝦 (限量供應)，龍蝦肉大塊又厚身。食落去啖啖肉，海水味又勁濃，充滿肉汁，配上醬汁更好味！💟炭烤乾式熟成烏頭，平時食開都系凍食，古五到碳烤系另一番滋味。肉質不但更結實，而且鮮甜味更濃。💟手工柴火蒜蓉包，蒜蓉味道濃郁，個包非常鬆軟。💟乾式熟成薄切油甘魚，魚肉好嫩滑，切得非常薄，一口一片，正！💟XO醬大蜆手工細麵，個醬好夠味，鹹香鮮美，唔錯。💟餐酒都配搭得好，送食物就一流。總括而言，今日既體驗都唔錯。店員都好有禮貌，及時幫我地收拾同埋加水，值得加分。