Eggy (已結業)

屯門華都商場真係好多好嘢食！今次試左以滑蛋多士做主打嘅小食店，即叫即製，認真不錯。炸雞軟骨 ($24)香脆又爽，外層調味香口，又唔會太油膩。炸軟殼蟹滑蛋吐司 ($68)有八款多士選擇，對於軟殻蟹零抗拒力🦀，就叫就份試下。微烘嘅面包特別香🍞，夾住一層好厚嘅滑蛋，同埋超大一隻軟殻蟹(蟹腳突曬出去兩邊)👍🏻蟹身炸得好香，咬落喀嚓聲，鹹香惹味，同個滑蛋好夾。配上醬汁同頂層加上少少蟹籽🤏，增添口味同味道。