每次嚟都拎住張紙係咁點好快就成張枱都係嘢食🤣
🧀前菜揀咗個芝士黑醋無花果—滿滿嘅芝士，無花果加咗黑醋好開胃
一系列串燒:
🐔鹽燒雞皮—薄脆油香；🍖A4和牛—嫩滑脂香(肉味勁濃，仲encore多咗一轉😆)；🥩牛小排—肉汁飽滿；🍢鹽燒豚肉荔枝卷—豚肉配荔枝，簡直係絕配；🦪蒜蓉燒日本廣島蠔-蒜香即叫即焗超新鮮；🐟椒鹽燒多春魚—燒得啱啱好好惹味；🍏每次嚟都必嗌嘅焦糖青蘋果鵝肝多士—鵝肝超厚，夾埋青蘋果同埋牛油香多士一齊食超正;🐍焦糖鰻魚玉子燒—軟滑香濃；🧂明太子淮山燒—鹹香爽口；🥬鹽燒萵筍—清爽；🍗鹽燒雞中翼（兩隻）—外脆內嫩；🍙明太子飯團—外面燒得焦香，可以夾埋紫菜一齊食；🌿鹽燒秋葵—爽口清新；🥦鹽燒芥蘭頭—清甜爽脆；🧀燒芝士年糕—軟糯拉絲沾上煉奶超邪惡🤤；🍡糖不甩燒芝麻湯丸—香糯煙韌，內裏流心芝麻！
最鍾意呢度有咁多唔同種類同埋款式嘅串燒，啱晒同朋友慢慢share，越食越起勁！😋
2
