大本瀛日式放題

營業中

休息中

諗起旺角兆萬中心就一定會諗到放題，而今次朋友介紹左呢間日式放題話佢地超多款式食物物，而且非常抵食就一齊試下啦。入到去環境都闊落寬敞。餐廳內有超多款食物選擇，真係想食咩都有。餐廳內可以係凍櫃自取飲品，而且款式都好多。一開始就食刺身先啦，擺碟非常精緻，三文魚甜蝦同帶子都好鮮甜又肥美！而壽司方面，佢都有好多野可以選擇，火灸和牛壽司、黑松露三文魚壽司、黑松露珍寶帶子壽司等等佢嘅份量唔會過多，令你可以試多Ｄ唔同款，而個人超ＬＩＫＥ佢個火灸和牛壽司，牛油膩令壽司更香，好有滿足感。芝麻雞翼雞翼帶點炭香，外皮脆口，肉質香滑。酥炸墨魚咀每一粒都非常香口，而且食落去亦好有咬口。牛舌入美非常腍味道都唔錯。燒菠蘿新鮮即燒原汁原味。炒雜菜食左好多唔同野食之後，當然叫個菜食清一清味蕾。最後仲叫左個海膽炒飯炒飯唔會太油，而且好香口，食完真係好飽。