倫哥尚品火鍋私房菜 (已結業)

倫哥尚品火鍋私房菜 呢個名係好多朋友口中都聽過 今日終於黎食 唔知係咪真係咁吸引呢？一嚟到就有兩碟前菜 係涼拌木耳同埋涼拌豆角 汁料偏酸味啦 但係幾開胃 之後就上咗雞煲 店員都會好細心咁同你講做法 同埋餐枱上嘅餐紙都有寫低做法 跟住做就冇錯 雞煲我哋揀咗bb辣 又真係小小小小辣 啱曬我哋啲唔食得辣嘅朋友 雞件都幾多而 且肉質嫩滑 不過有少少咸同埋好多油 雞煲仲可以追加 不過我哋冇再點 留肚食其他啦 之後仲有烏雞藥材湯 個湯冇落味精 仲有兩嚿雞果然真材實料大閘蟹 冇諗過會有大閘蟹食 雖然size唔大但係都好多膏 呢啲咁邪惡嘅都係食一隻就夠 刺身好新鮮 而且份量都幾多 每人有二至三片 跟住就係主角打邊爐啦 我哋揀咗番茄薯仔蟹喎 真係有半隻海蟹 而且配嘅海鮮配料都幾多 有龍躉片魷魚 聖子生蠔大蝦 脆肉鯇大蜆等等 有部分更加可以追加 不過我哋戰鬥力唔夠 都係冇再添食 跟住就係比較普通小小嘅丸同埋餃子 餃子好新鮮 墨魚滑同埋墨汁墨魚滑 兩個都超級好食 夠曬入味 而且有新鮮嘅墨魚粒好彈牙 呢個我哋就添食咗一次 仲有手切牛頸脊一大盤 一睇就知非常之肥美 因為成碟肉都係油花 淥幾秒就食得 牛味好濃郁