肉浦團火鍋放題 (已結業)

今日同朋友黎食火鍋放題，想揀啲新店試下，所以就黎左呢邊食。個門口都有少少難搵🤔不過門面同裝修都幾靚～我地揀左"團"，價錢ok之餘有好多肉類可以選擇。最驚喜既係佢地竟然有提供冰菜同蟲草花！！蟲草花都比較易見到，但冰菜真係十分少出現於放題店，而我又超鐘意食，好開心！！本身想試花雕醉雞湯底，但最後都係揀左個清啲既皮蛋莞茜湯底。一開波會先上一碟牛肉拼盤，我覺得好既位係全碟都係牛，唔會好似某啲店咁先提供雞肉同豬肉🫣但因為朋友話唔想食牛，佢自己就叫左豚肉，虎蝦同蠔食，評價唔錯。我就當然係不停食菜同牛肉，私心推薦牛小排同澳洲M5和牛肩胛，有咬口而且肉味都幾濃郁。