甫踏入佢哋門口上一樓就見到充滿日式風情嘅裝潢。雪櫃內有自家製茶飲、台式飲品同埋多款啤酒🍻，清酒同埋梅酒都係任斟🍸及自助咖啡機☕️俾客人提神。自助區有火鍋配料、生果同埋沙律🥗前菜可以享用。
刺身併盤大大盤，特別係極品大赤蝦同日本直送拖羅都非常新鮮👍。熱食方面：清酒煮蜆、酒醉大蝦頭、秘製磯煮大根鮑魚同紅燒妙齡乳鴿，都係必定會點嘅食品。壽喜燒方面：日本和牛牛板腱、美國和牛牛肩胛、日本北海道豬梅肉片和澳洲和牛肩胛肉眼都係必食之選，肉質嫩滑。
D24榴槤都非常大嚿同埋甘甜。佢哋嘅座位都相當之闊落同埋舒適，上菜速度亦非常之快同埋準確。餐廳本身係居酒屋，但係同時有做放題，令客人可以靈活選擇。服務細心有效率，整體感覺都良好。
