漫花燈火OMG (已結業)

前日同成班好姊妹去咗呢一間超啱打卡嘅✨漫花燈火OMG✨，望到食物嘅賣相同環境都超正💕✨法式大頭蝦占米多✨超大隻大頭蝦好吸引，蝦肉鮮甜又彈牙，再點一點占米多一齊食，口感非常之豐富！✨椰菜花西蘭花薯仔沙律配自家製鹹蛋黃醬✨呢一個沙律味道好濃郁，我好鍾意佢哋個鹹蛋黃醬，有小小鹹得嚟又唔會太Over，加上佢哋嘅沙律有好多新鮮嘅蔬菜，非常推介！✨西班牙伊比利亞辣肉腸白酒忌廉煮藍青口配牛油多士✨藍青口好新鮮呀，而且仲好厚肉，白酒可以提升青口鮮甜味，仲有少少辣肉腸，令到成個菜式惹味！✨自家製酥皮黑魚籽牛油果煙三文魚水牛芝士波波他他✨好鍾意佢哋個自家製酥皮好鬆脆，加上我好鍾意嘅牛油果同埋三文魚，本身呢個配搭已經好好味，另外仲會有埋芝士🧀️，味道又再次昇華！