塩玉居酒屋 (已結業)

塩玉喺銅鑼灣的登龍街，門面佈置也非常用心，有一幅掛滿繪馬的主題牆，充滿溫暖的日式感覺。充滿質感的餐牌，予人認真的感覺。店內的環境舒適，座位寬敞，可以望住師傅門制作食物，係最佳嘅節目。我哋將決定留返畀專業嘅師傅，由佢哋去安排我哋嘅菜單。先付三點前菜有三樣冷盤，係冬菇、小女子、同埋鵝肝。冬菇炆得到勁入味，又香又鮮味。小女子係醃漬嘅小魚乾，都幾惹味。鵝肝配上紅酒汁，頗清新的配搭，都幾開胃。旬之刺身五點份量十足而且選料名貴，有特大隻嘅珍寶蠔，輕輕炙燒過外皮的金目鯛，爽口嘅活北寄貝，巨型牡丹蝦同埋帶筋大拖羅。巨型牡丹蝦已去殼去腸，肉質彈牙而且極度甜美。帶筋大拖羅入口即溶，極度肥美，油香在口腔內久久不散，大滿足。𩶘魚湯配鮟鱇魚肝。奶白色的魚湯又香又鮮甜，裡面嘅豆腐同埋魚肉超級勁滑。壽司三貫有目張魚、粒貝、同埋筋子。壽司已預先點了適量嘅豉油同埋芥末。目張魚肉口感結質，粒貝爽甜，而筋子就非常鮮味！加入洋蔥去炒的粒貝肉，更顯爽甜！豚肉露筍卷豚肉燒至乾身，而且調味恰當，非常香口惹味。而露筍就keep住咁juicy，仲同燒豚肉好夾添！京都豆腐塗上大量醬汁再燒至微焦，内部仍保持滑嫩。汁燒豬脊肉十分juicy和