金滿膳燒味餐室 (已結業)

公司喺牛頭角嗰邊，lunch時候就去咗呢間金滿膳燒味餐室食飯，環境好闊落，而且好乾淨企理。見到好多人都係食佢哋嘅燒味飯，望到啲燒味睇落都好靚仔，勁吸引。我就叫咗一個玫瑰油雞皇飯，價錢$48。雞嘅色澤好均勻，未食已經聞到淡淡的玫瑰香味，識落啲雞件全部都好滑，同埋啲飯都仲係熱辣辣，好滿意。同事就叫咗燒味四寶飯，四寶飯同樣好多餸，叉燒燒得好均勻，食落仲甜甜地咁，用嚟送飯就一流。白切雞食落都好滑，如果點蔥油食就更加正呀。食燒味飯一定要叫枝樽裝可樂飲先夠爽🙌🏻🤤