阿里郎熱狗棒 (已結業)

偶爾都要放肆一下吧！這個阿里郎熱狗棒係最受韓國大學生歡迎的韓國街頭小食，香港分店落戶旺角，我上堂前經常經過，舖頭真係有個oppa坐陣嫁！目測仲有唔少韓國人幫襯。-熱狗主要有兩款夾心，腸仔或拉絲芝心，然後在此基礎上就有其他變化啦，例如雙色芝士、外面加薯條、Oreo口味咁，最後就自由加上醬料或糖。-全部熱狗棒都係即叫即炸，好新鮮，同埋麵真係幾重手。薯條熱狗($32)勁脆！腸仔唔咸。水牛芝士熱狗($32)的芝士勁～～拉～～芝！但估唔到最吸引到我想一口接一口食的是Oreo拉芝($36)，Oreo麵團包裹著芝心，面層再撲上曲奇和糖粉拎去炸，原來係甜甜咸咸、外脆（曲奇）內軟（芝心），竟然有令我想一口接一口的魅力。