影片
更多
2021-01-03
22 瀏覽
今去去到旺角，就想搵下食，咁凍既天氣就想食下麵，今就去左呢間車仔麵到食。環境見佢個裝修幾有特色，d坐位都好闊落，唔似平時食車仔面個d餐廳仔同好迫咁。米線（蘿蔔，雞腎，牛腩）黎到見到個賣相完全唔似普通車仔麵，有少少日式感覺，佢另外會有個汁比你簡，咁我就簡左腩汁。食個陣d汁就撈落個湯低到，佢既米線都係會有少少彈牙感，唔會係腍哂個種，蘿蔔舊舊都好大舊，而且係好甜既蘿蔔。雞腎份量都好多都有4至5塊，食落好入味，亦好有咬口。牛腩方面，係比較砌得細粒，肉質好腍，好入味，完全係好高質既車仔麵。幼麵（滷水腩肉，豬紅，溏心蛋）幼麵簡左沙嗲汁，幼麵比起米線更好食，沙嗲汁好夠味，微辣。佢既豬紅都唔係細粒，食落去超級入味，未食過咁入味既豬紅，平時食開都會好淡味，佢呢個真係做到100%入哂。佢既滷水腩肉大大舊，食落好有梅菜扣肉既味，但佢既肉係有口感好多肉質好腍，皮就爽彈，呢個一定要試。另外個蛋都好出色岩岩好熟度個蛋白都有少少生唔會蛋白熟過頭，有溫泉蛋既感覺。滷水豬大腸$22呢個就必食既，大大份，佢既豬大腸唔似平時食開個d得一圈個種，佢係好多層，食落成個口都係豬大腸，一層層好有咬口，唔會平時食開個d咁得一層，好似
環境
見佢個裝修幾有特色，d坐位都好闊落，唔似平時食車仔面個d餐廳仔同好迫咁。
米線（蘿蔔，雞腎，牛腩）
黎到見到個賣相完全唔似普通車仔麵，有少少日式感覺，佢另外會有個汁比你簡，咁我就簡左腩汁。食個陣d汁就撈落個湯低到，佢既米線都係會有少少彈牙感，唔會係腍哂個種，蘿蔔舊舊都好大舊，而且係好甜既蘿蔔。雞腎份量都好多都有4至5塊，食落好入味，亦好有咬口。牛腩方面，係比較砌得細粒，肉質好腍，好入味，完全係好高質既車仔麵。
幼麵（滷水腩肉，豬紅，溏心蛋）
幼麵簡左沙嗲汁，幼麵比起米線更好食，沙嗲汁好夠味，微辣。佢既豬紅都唔係細粒，食落去超級入味，未食過咁入味既豬紅，平時食開都會好淡味，佢呢個真係做到100%入哂。佢既滷水腩肉大大舊，食落好有梅菜扣肉既味，但佢既肉係有口感好多肉質好腍，皮就爽彈，呢個一定要試。另外個蛋都好出色岩岩好熟度個蛋白都有少少生唔會蛋白熟過頭，有溫泉蛋既感覺。
滷水豬大腸$22
呢個就必食既，大大份，佢既豬大腸唔似平時食開個d得一圈個種，佢係好多層，食落成個口都係豬大腸，一層層好有咬口，唔會平時食開個d咁得一層，好似冇點食過咁。
香辣魷魚$22
魷魚好爽脆，辣度適中，唔食開辣既都食到，份量亦好足夠。
炸豆腐$22
炸豆腐外面做到好脆口，入面暖暖地軟軟既豆腐，2種口感，加埋d辣醬一流。
日式吉列蠔$26
食落去好脆口，咬到入去蠔味好出，啖啖蠔肉，佢亦都配有辣漿，而且佢份量都唔少，26蚊有咁多隻，抵食。
雜果冰$15
面頭有少少粗粒沙冰，飲落好香水果味，低層亦有粒粒水果，甜度適中，食完辣野就最好飲
張貼
