SuperNormal (淘大商場2期)

營業中

休息中

黎過呢度不下五次，仲介紹左唔少朋友成為熟客，今晚都冇失望。經典德國咸豬手 ($168)每次黎必叫，仲要台台都有一碟就知有幾正。 豬手醃得入味又夠滑，脆皮鬆化甘香。 略嫌今晚隻豬手大左少少，部分厚皮位置硬左少少，但依然物有所值。明太子軟殼蟹漢堡 ($98)軟殼蟹脆身唔會削，用料十足，除左有蕃茄蔬菜等，上層仲鋪左幾隻蝦，口感同味道都好豐富。香辣茄茸大蝦扁意粉 ($115)意粉香辣調味十分惹味，未食聞到香味已經流哂口水。 意粉煮得岩岩好，大蝦亦夠新鮮。雙色煙肉焗薯條 ($76)薯條新鮮炸起，雙色芝士撈埋煙肉好香，比起就咁炸起點茄汁好味百倍，唔會油膩食唔停口。