派龍殿 (已結業)

今日放假就到元朗後街食飯,行完街朋友帶咗我去一間食韓國菜放題嘅餐廳,食物選擇多,食物質素好,值得推介。派龍殿 韓式燒烤餐廳,地址係馬田路80號御庭居地下,去到餐廳裝修得好整潔,地方闊落喺度食飯感覺好舒適。餐廳主打自助形式飲品全部任飲,除咗有各式汽水,茶,仲有啤酒可以選擇,真係花多眼亂。壽司區有三文魚壽司,蝦壽司,希靈魚,每一件都獨立包裝,乾淨衛生。韓式燒烤食物種類繁多,有牛肉,豬腩肉,雞翼,八爪魚,牛仔骨,多春魚,仲好多食物同蔬菜選擇。我最鍾意食就係牛肉,牛肉味香濃,肉質嫩滑, 食落去仲好juicy。另外冷盤嘅選擇都有好多,螺肉,青口,凍蝦,蜆肉全部都好吸引。蝦肉食落去爽口彈牙,味道鮮甜,真係好新鮮好好味。出面仲有鐵板燒,廚師即場炮製,有燒帆立貝,海鮮炒飯。帆立貝加咗蒜蓉味道香口惹味,入口味道鮮甜。最後食埋甜品同雪糕,真係非常滿足。