Mövenpick (已結業)

本來打算去天仁買凍飲，適逢一田購物優惠日，發現新開既Mövenpick有優惠，即時邊排隊邊落單，幾分鐘內就到手。雙球雪糕買一送一 ($69) 十分古惑，居然規定左送既係乳酪同意大利碎朱古力味。 前者介乎乳酪同益力多之間，不過不失；後者每啖都咬到幾粒的㗳糖咁大既朱古力，埋藏係奶味濃既雪糕中依然好脆。鮮豔既熱情果香芒雪葩估唔到金玉其外，動用大量香精都未能掩蓋生芒果既酸澀，俾盡兩啖就停哂手。 一直覺得Mövenpick既雲尼拿雪糕零舍香，好彩揀左，令錯亂既味覺得到救贖。呢個價錢有四球比哈根大師大既優質雪糕，的確抵食。 坐等下次買一送一活動，口味冇咁多限制就好喇。