牛極 (大全街) (已結業)

鍾意食牛又想熱辣辣咁食，我就比較喜歡鐵板上可以保持肉質鮮嫩度，是日行開大角嘴又順便覓食，見到呢間牛極食店最吸引到我係以一個超值價錢，就品嚐到美味嘅牛肩排，附有前菜沙律、湯同米飯任飲任食，先係自助售票機買票再交給店員處理，再去自助區取醬汁同餐具之餘攞埋是日日式牛肉湯同沙律坐低食住先，飲啖濃郁牛肉湯再食啖清爽沙律等一陣已見我牛肩排用熱石盛上香味十足，熱石係賣點之一可保持溫度，而且肉質只有一成熟，放係熱石上慢慢煎熟同時鎖住肉汁記得先將牛肩排切成小塊於熱石烤，按大家烹調至合適熟成度享用，入口肉質香嫩又帶點油脂肉味甚濃再點埋照燒汁連蒜粒食落更加惹味，我就配個白飯連埋肉汁一邊食會有一番滋味不知不覺又品嚐咗一餐超值美食。