鴻星中菜 (源成中心) (已結業)

之前都知道鴻星早茶好抵食 今日要早起身就嚟咗食 九點半前入座 只要叫一樣大點以上或者粥品飯類嘅點心一人一樣 就會每人送一籠點心 一個星期 七日都唔同 今日送嘅係荷香珍珠雞😚 其他點心仲有58折😲荷香珍珠雞都幾大隻 都可以稱得上係糯米雞 餡料都幾豐富 有蝦米 冬菇 豬肉 同蛋黃 估唔到佢有蛋黃 食落口感好好🙊 真係想再encore 蜜汁叉燒腸粉 腸粉皮厚薄適中 唔會太厚太韌 又唔會太薄好易散 都算幾滑😗 叉燒質素就普普通通 唔會好有驚喜 但豉油同腸粉嘅味道其實好夾鳳爪排骨飯 本身expect佢有兩件鳳爪 但係得一件 有啲失望 排骨就比較少肉 雖然啲飯粒粒分明又有咬口 但個人就唔係太推薦😅北菇棉花雞 呢碟都頗鹹 應該落咗好重味精 雞肉都有好重雪藏味 魚肚吸晒啲汁 真係好鹹 不過配埋個飯食其實都okay嘅 畢竟中菜本身都濃味嘅😮環境比其他酒樓舒適 食物質素都okay 所以都係飲早茶嘅一個好選擇