星海薈 (利舞臺廣場)

營業中

休息中

銅鑼灣有好多野食，平時食嘅都係以西式日式為主，今次要食嘅就好唔同，因為係食中菜。中菜真係非常考驗師傅功力，經驗嘅加成可以輕易令到一味普通菜色生色不少。招牌白胡椒蟹，呢期做緊大特價，一斤$298，幾百蚊食到大大隻蟹，超值。食得出蟹肉係非常新鮮，特別係蟹鉗， 又厚肉又鮮嫩。 味道方面辛辣有勁， 有新加坡嘅水準，好味到 連個殼嘅汁都舐埋。鮮菠蘿脆皮咕嚕肉，$148。呢味菜完全食到廚師嘅功力， 好普通嘅菠蘿咕嚕肉就算茶餐廳都經常食得到， 但係呢度嘅菠蘿咕嚕肉無論口感，肉質，以及味道都係出面不能夠比擬。 而且佢用嘅係新鮮菠蘿， 所以不論係賣相同埋新鮮程度都好高。食完到呢一刻都仲係回味無窮。