影片
更多
2008-07-22
7 瀏覽
六月廿五日晚, 都係決定用咗張八折 coupon 同老公嚟試吓《香味屋》既宵夜 buffet !同埋六月尾前仲有我同老公都好鍾意既和牛做主題, 所以想六月尾前去試吓! 其實唔係第一次嚟食, 舊年老公都請過我嚟呢度慶祝生日, 不過今次係食宵夜時段。呢度除咗有基本既中、西、日式食物外, 最特別係長期都有提供泰式食物, 仲有即叫即煮湯粉及粥, 正! 而每段時間佢又會改吓出啲新主題食物。今次仲發現有自製既日式格仔鍋餅, 又幾得意喎~~ 有得自己玩吓又可以食到真正新鮮熱辣既鍋餅!佢其實有兩部機, 所以都唔駛等好耐就可以整, 幾分鐘就可以整到一至四個,我見成晚都好多人幫襯呀! 等我一陣又試吓先!另外仲有好多食物, 都影唔晒啲相, 最後仲畀職員叫我唔好影添... 所以冇乜點影啲甜品, 不過佢都唔係好多甜品, 可能有啲泰式甜品唔多啱我口味啦!影影吓, 畀我發現呢度有我最愛既綠茶雪糕食呀! 佢話係 "Haagen-Dazs", 但老實我真係唔敢講係唔係! 唔講住, 食嘢先! 先嚟好新鮮既生蠔, 見到就流口水, 我見職員係咁不停 refill, 未畀人拎晒又攞過盆新既出嚟!有啲仲好肥好大隻, 新鮮度都有
同埋六月尾前仲有我同老公都好鍾意既和牛做主題, 所以想六月尾前去試吓!
其實唔係第一次嚟食, 舊年老公都請過我嚟呢度慶祝生日, 不過今次係食宵夜時段。
呢度除咗有基本既中、西、日式食物外, 最特別係長期都有提供泰式食物,
仲有即叫即煮湯粉及粥, 正! 而每段時間佢又會改吓出啲新主題食物。
今次仲發現有自製既日式格仔鍋餅, 又幾得意喎~~
有得自己玩吓又可以食到真正新鮮熱辣既鍋餅!
佢其實有兩部機, 所以都唔駛等好耐就可以整, 幾分鐘就可以整到一至四個,
我見成晚都好多人幫襯呀! 等我一陣又試吓先!
另外仲有好多食物, 都影唔晒啲相, 最後仲畀職員叫我唔好影添...
所以冇乜點影啲甜品, 不過佢都唔係好多甜品, 可能有啲泰式甜品唔多啱我口味啦!
影影吓, 畀我發現呢度有我最愛既綠茶雪糕食呀!
佢話係 "Haagen-Dazs", 但老實我真係唔敢講係唔係!
唔講住, 食嘢先! 先嚟好新鮮既生蠔, 見到就流口水,
我見職員係咁不停 refill, 未畀人拎晒又攞過盆新既出嚟!
有啲仲好肥好大隻, 新鮮度都有 85%, 正呀~~~~~~~~~~~~~
當然唔少得啲刺生啦! 主力都係三文魚、劍魚, 都幾新鮮, 我好快就食晒啦!
同埋啲三文魚又係 refill 得勁快, 半個鐘, 換咗八盆三文魚...
所以話, 雖然係宵夜時段, 但鍾意食生蠔同三文魚既朋友真係唔駛咁心急去拎......
呢碟係老公既, 睇嚟老公好肚餓喎, 咁快就食咁多壽司?
跟住已經忍唔住要食綠茶雪糕啦! 舀開, 唔爭在試埋個朱古力雪糕啦!
兩隻味都 OK, 不過感覺上唔夠濃味, 但都唔係差既!
到主菜「和牛粒」喇~~~ 每次都係拎張檯號去, 佢就會即煎一份畀你,
呢碟映相時老公已經食咗兩粒, 啲和牛雖然唔係正宗日本和牛,
只係澳洲和牛, 但已經好香牛肉味、好多肉汁, 好 Juicy 呀~~~
旁邊啲炒雜菌雜菜, 由於用埋啲牛肉汁炒, 所以都好香好好味, 我碟碟都食清架!
最後我哋兩個成晚加埋食咗六碟................
呢個時候老公又攞咗件壽司畀我, 好似幾靚仔咁喎!
食吓熱葷類食物先~~ 樣樣都幾好, 不過感覺啲菜式好重味, 唔夠清新, 好似好膩咁。
老公又幫我拎咗隻蟹拑, 又係普通啦, 同埋可能我飽飽哋, 唔係好食得落...
已經開始飽啦! 應該係食生蠔、刺生同和牛食飽咗... 所以要開始食甜品啦!
個朱古力噴泉都幾好, 我用咗泡芙、西瓜同蜜瓜整朱古力噴泉,
雖然啲朱古力唔算好快變乾身, 但味道都唔錯喎!
終於決定飽飽哋都要試吓個自製鍋餅呀!
其實可以加牛油或雪糕之類喺面食, 但我想試真佢個原味,
原來真係好好味, 熱熱哋, 幾甜, 乜都唔加亦已經夠味,
睇我開始飽都食得晒成個就知幾得啦! 不過真係幾大件幾飽肚呢!
前面唔駛講都知係桂花糕啦! 又整得幾靚仔喎!
不過食落就普通, 唔算差, 但未至到好好味。
而後面果款甜品應該係泰式既, 食落得個甜字, 冇乜味, 所以食咗一啖仔就冇食......
呢個時候, 老公走去整咗碗勁重料既生滾粥, 啲料係自己揀好晒先畀師傅煲架!
老公話落咗勁多牛肉、鮑魚片同魚翅落去喎!! 好唔好味? 實好味啦! 咁多料!!
老公見到有人拎個 Tiramisu 蛋糕出嚟, 即係走去拎咗一大件返嚟同一齊分,
可惜, 對呢度既 Tiramisu 有少少失望, 唔夠香唔夠好味。
係時候食生果啦! 不過我已經開始好飽, 所以只係食咗幾件咋! 生果都算夠凍, 但唔夠甜。
坐咗一陣, 都係忍唔住要食多杯綠茶雪糕! 今次仲有紅豆雪糕, 都幾好味既!
最後, 當然要整噃杯熱檸茶, 為呢餐寫上句號啦!
由於有 coupon, 埋單每人都係 $142.2, 九點半開始既宵夜 buffet,
又有無限量供應既生蠔同三文魚, 仲有和牛粒、日式鍋餅、綠茶雪糕,
有咁多我鍾意食既嘢, 對我嚟講簡直係超值啦!!
更詳細資料及圖片請看 : http://hk.myblog.yahoo.com/joycewai616/article?mid=8970
張貼
