海港燒鵝海鮮酒家 (已結業)

老婆屋企人團拜，係海港book咗兩圍，叫咗個超值套餐全包宴，一圍二千蚊都唔使仲找返兩蚊，食物質素可以，去片。乳豬全體，乳豬皮好脆，又唔算太肥。濃湯花膠煲螺頭。 雖然唔係用上等花膠，但湯渣都見到有好多花膠同雞腳。龍躉兩味，蒸龍躉斑腩同西蘭花炒班球。至於過杏香百花球，林曬，唔夠脆，同埋凍咗。壽包就超級大個啦就。特別之處，壽包係有分奶黃味同蓮蓉味，應該係減少成本之作？有咁高嘅性價比，梗係有啲 drawback. 其實枱與枱之間坐得好迫，基本上坐低咗連去洗手間都出唔到去，不過咁抵食冇辦法啦。