麥當勞 (新都城中心二期)

營業中

休息中

七點幾岩岩食完晚飯口淡淡想食個甜品，見到飲料店太多人等就作罷。平時慣左麥當勞出面個雪糕位排曬長龍，但今日竟然完全無人排，以為係賣曬，點知仲有，又未試過期間限定既福岡士多啤梨味，就即管試一試。因為鍾意食窩夫，又見佢咁大個牌推介，就叫左個朱古力脆皮草莓大窩夫筒，姐姐收完錢之後一腳踢做整雪糕比我。實物同張相既差距不大，士多啤梨雪糕加埋朱古力有少少過甜，但咬埋個窩夫就岩岩中和到d味，兩粒細曲奇都幾重牛油味，13蚊抵到爛，超值甜品！