影片
更多
2017-06-06
291 瀏覽
今次去到油麻地私房御約試吓私房菜，聽朋友講呢度啲海鮮好新鮮，而且鮮甜，所以我哋就兩個人過咗嚟試啦。入到去餐廳格局非常整潔，而且空間位置大，座位非常寬敞坐得好舒服，我哋兩個人就坐咗一張中間位置嘅四人枱，店員非常有禮客氣地比餐牌我哋，仲介紹今日嘅新鮮食物同埋套餐，最後我哋揀咗個「龍躉海鮮餐」，每位都只係＄298，套餐有11款食物，大部份都係新鮮嘅海鮮，有「日本放養豬梅肉」、「扎扎跳基圍蝦」、「深海龍躉魚腩」、「蟶子皇」、「手打墨魚滑及鮮蝦滑」、「元貝皇連裙邊」、「自製鮮蝦豬肉餃」、「蟲草花紅棗冬菇蒸雞」、「時令七色蔬菜」、「南瓜粟米排骨粥」、同埋「精選甜品」就係木瓜雪耳糖水等等，成個套餐非常我食物呀，不同種類、不同款式，一次過滿足晒我哋兩個需求。係等食物來之際，我哋就調味混醬先啦，分別有四款調味料俾我哋選擇，當然唔少得有我最鍾意嘅辣椒絲，加埋落去啲豉油，再點海鮮食非常惹味。另外仲有一壺菊花茶俾我哋飲，餐廳真係非常貼心啊，入面仲有杞子同埋圓肉呀，可以一邊食蒸氣粥底火鍋，一邊飲菊花茶解渴消暑。飲品方面，有唔同種類嘅汽水同埋啤酒選擇，仲有德國最好飲嘅啤酒，，當然我梗係叫返我至愛嘅「芬達橙汁」飲啦
入到去餐廳格局非常整潔，而且空間位置大，座位非常寬敞坐得好舒服，我哋兩個人就坐咗一張中間位置嘅四人枱，店員非常有禮客氣地比餐牌我哋，仲介紹今日嘅新鮮食物同埋套餐，最後我哋揀咗個「龍躉海鮮餐」，每位都只係＄298，套餐有11款食物，大部份都係新鮮嘅海鮮，有「日本放養豬梅肉」、「扎扎跳基圍蝦」、「深海龍躉魚腩」、「蟶子皇」、「手打墨魚滑及鮮蝦滑」、「元貝皇連裙邊」、「自製鮮蝦豬肉餃」、「蟲草花紅棗冬菇蒸雞」、「時令七色蔬菜」、「南瓜粟米排骨粥」、同埋「精選甜品」就係木瓜雪耳糖水等等，成個套餐非常我食物呀，不同種類、不同款式，一次過滿足晒我哋兩個需求。
係等食物來之際，我哋就調味混醬先啦，分別有四款調味料俾我哋選擇，當然唔少得有我最鍾意嘅辣椒絲，加埋落去啲豉油，再點海鮮食非常惹味。
另外仲有一壺菊花茶俾我哋飲，餐廳真係非常貼心啊，入面仲有杞子同埋圓肉呀，可以一邊食蒸氣粥底火鍋，一邊飲菊花茶解渴消暑。飲品方面，有唔同種類嘅汽水同埋啤酒選擇，仲有德國最好飲嘅啤酒，，當然我梗係叫返我至愛嘅「芬達橙汁」飲啦。
食物終於來啦，賣相好吸引。首先就係豬肉同埋基圍蝦一齊蒸，店員好好服務幫我地一齊蒸埋，仲要計埋時間過嚟幫我地打開蒸氣鍋，非常體貼貼心啊。基圍蝦變左橙色就已經食得啦，基圍蝦啲殼好容易搣開，咬落去嘅時候都有啲下嘅汁唧出嚟，好鮮味！而且啖啖肉，肉質彈牙，點埋啲辣椒豉油真係一流呀。豬肉一片片咬落去肉質好「林」，滿口都係豬肉呢，而且非常新鮮，好正！
第二次蒸就係我最鍾意嘅龍躉肉啊， 龍躉肉有四大塊，而且好厚身，另外仲有葱係龍躉肉上面，可以僻咗啲魚腥味。等左幾分鐘終於有得，非常非常好味呀，魚肉咬落去有口感，唔使點豉油都有鮮甜嘅味道，我自己都食咗三塊啊，必食！
之後就係食蟶子，兩大條有我手掌咁長呀，食落去好彈牙，放入口要一段時間先咬得曬，可想而知蟶子有幾大條有幾長，而且味道非常新鮮！
之後輪到大大隻嘅扇貝啦，兩大隻，雖然冇任何配料加落去，但係蒸出來的味道都非常鮮甜，而且整完之後仲有啲鮮甜汁可以飲，有少少鹹鹹嘅味道，咬落去扇貝大大隻好有口感，而且扇貝中間係生，外層就係熟，再加埋扇貝嘅裙邊，裙邊好長咬落去爽口，一舉兩得。
最後食返啲餃子類同埋蔬菜類清下腸胃，望落去色彩繽紛，果然係七色時令蔬菜，分別有娃娃菜、南瓜、粟米同埋青椒等等，仲有雞食啊！等左一段時間終於食得啦！啲雞非常新鮮，咬落去肉質非常鮮嫩，而且雞本身有味道，唔需要點醬汁豉油已經有鹹鹹嘅鮮雞味道，另外蔬菜咬落去都有鮮甜嘅海鮮汁，清清地就咁食都好滋味呀。
最後蒸所有海鮮，仲有粥底火鍋食呀，真係非常滿足呀。
食咗咁多野兩個人都係差唔多＄400，一人都係＄200就可以食到海鮮，出面真係食唔到咁平嘅價錢，超值！
張貼
