小皇府 (惠安苑) (已結業)

長期行過小皇府都唔覺多人幫襯，心想應該好食有限，今日係兩老要求下終於一試小皇府。一點到去都唔使等可以即入，點心種類唔算多但價錢都可接受，無炒粉麵飯但有海南雞套餐、煲仔飯同燒味粉麵飯等。我地四個人叫左一個煲仔飯，六個點心同一個海南雞套餐。海南雞套餐仲有燉湯飲，出奇地唔錯！ 海南雞無骨得黎好入味好岩懶人食。煲仔飯四十零蚊至五十蚊黎講都算足料，台式脆蝦腸如果再脆d就好啦。sofar 甘多個點心中有點失望應該係京式蔥花卷，平平無奇得黎無乜蔥同白兔流沙包，感覺好實，可以再流心多啲。茶芥9蚊一位唔算貴仲要唔洗加一，都覺得幾抵。