洋麵屋 五右衛門 (已結業)

我同閨蜜已經唔係第一次食呢間餐廳，每次想傾計嘅時候都會揀呢度，因為環境寬敞，食物味道唔錯，加上分量十足，非常適合食量比較多嘅朋友。

我哋叫咗二人餐，前菜揀咗溫泉蛋沙律，味道清新酸甜，非常開胃。

呢日嘅餐湯係南瓜湯，質地濃郁，好香奶味。

呢款係二人套餐送嘅小菜，雖然賣相一般，但食落好香口。

至於主食，揀咗款比較乾身嘅炒意粉，蒜味非常香。另外一款就揀咗白汁溫泉蛋意粉，非常creamy。

飲品方面，我轉左抺茶latte，飲落口感香滑。