堅信號上海生煎皇 (將軍澳廣場)

依間舖頭開咗咁耐都未試過，今日星期日下晝其他食肆都滿晒人，見依間舖頭唔使等位就入去，點知就中招。
如果只係計環境，坐卡位確實係舒服😌。但如果論食物方便，確實係唔得，我叫咗佢推介嘅上海排骨擔擔麵 $68碗，啲麵同正宗擔擔麵比較簡直差，都還面麵湯還湯，好似分開煮，煮完個麵再求其倒啲湯落去，擔擔麵湯底好似水咁稀，面質普通，塊豬扒乾硬到死，同佢貼喺牆上聲稱豬扒＂肉汁香甜＂簡直調返轉，塊豬扒肉質仲差過佢樓上超市買啲豬扒。
嗰個堅信號生煎包$23 兩個，比湯圓大少少，而且同正常生燒包口感不一樣，我就當佢自己有特色就算算啦
最後講嗰杯凍豆漿就十分珍貴而量少，一杯要$14 ，size等於大快活熱飲咁大杯，唔可以大杯啲嘅
以上是本人少少意見，下次就不再幫襯。