象屋泰國餐廳 (已結業)

見到網上平台賣廣告，原本諗住見到梳乎厘唔錯，試下。點知掛羊頭賣狗肉賣😒相片係珍珠奶茶梳乎厘班戟（厚身），但係就其實係mcdonald嘅熱香餅。跟住芒果班戟，佢幅相係有幾層，但係實品究竟係得兩塊。😡當我哋同佢哋講嘅時候，佢哋就即刻話會反映，同埋已經轉左好耐，哩個反應證實我哋唔係第一個投訴哩間餐廳。仲有食品質素好差，春卷唔脆，熱食唔熱，芒果糯米飯嘅紫米唔熟。😔廣告仲要寫住包咖啡或茶，但去到先知原來冇包嘢飲，所有飲品都要加錢。我真係好少寫食評，但係我真係覺得要同你地講，等你哋唔好浪費錢，特登去食。