那個ㄋㄚˋ ㄍㄜ˙ (埃華街) (已搬遷) 新店位置

今日大角嘴美食遊去到傳説中的《那個》；因為久仰大名，亦確認為長期人龍店；今日難得可以早走五分鐘食飯，便快步往店攞位。《那個》位置，其實前身係小儀車仔麵檔，在大角嘴埃華街尾，君匯港對面。可能習慣人多，侍應早已準備餐牌供食客在舖外等候時，可以先選定午餐便當。不過，其後我哋留意到有些「即日特式便當」便未有印上，想試新菜式朋友不妨留意牆上大餐牌。今日選了《招牌滷排骨便當》連熱烏龍茶。等了十五分鐘多，熱上。滷豬扒的確非常巨型，目測十三四厘米闊有多，四五厘米厚，滷水微甜，豬扒軟冧，軟得可以用膠匙羹切開。飯面舖了《本周配菜》上既前菜，我選了玉子，茄子，粉絲。相當開胃，跟餐有鴨湯與各式花茶（我選了烏龍茶）伴飯。與附近另一台食名店《老厝邊》相比，我喜歡《那個》既滷排骨入味，雖然沒有《老》店酥炸豬扒既脆，但同時亦走了油膩。總結：《那個》既鹵排骨便當喺味道，份量，賣相，性價比的確在大角嘴云云台食中較優 - 吾怕排長龍既話 - 誠意推薦。