影片
更多
2023-10-05
14 瀏覽
餐廳：曜 (銅鑼灣)地址：銅鑼灣登龍街28號永光中心16樓銅鑼灣呢間曜 @youkappouhk 開咗大半年，佢哋主打日式料理🍣，有割烹料理(Omakase)、會席料理、單點美食，而最大特色喺可以由客人發辦🥢，只要提前一至兩日訂位，要求食啲咩菜/想食啲咩、幾多budget、大概咩人數，師傅就會盡量滿足你嘅要求，其他日式餐廳就未必有呢樣特色喇😎晚市見到佢哋有2個Omakase Set同1個會席料理，竈($880)主打15品以魚類為主嘅Omakase料理🐟；曜($1280)主打熟食為主嘅會席料理🍤；炎($1380)主打18品以貝類海鮮為主嘅Omakase料理🦪。而我今次就揀咗第一款嘅「竈」套餐，有先付、刺身四點、熱食三品、壽司五點、止椀同水物，叫套餐仲可以以半價追加晚市單品食物，唔夠飽又想試多啲美食嘅人變相會食得抵好多😍✝️先付分別有武士帽造型盒裝住嘅花膠果凍配和風酸汁同梅汁蕃茄🍅，前者爽彈有滿滿膠質；後者有清新梅香，一啲都唔酸，同蕃茄嘅甜香好夾，非常開胃🤩✝️刺身4款每樣2件嘅刺身分別有炙燒過嘅鯖魚、拖羅、鰈魚海膽卷同北海道鮮帶子。炙燒過可以迫出鯖魚嘅魚油，加上炙燒香無懈可擊👊；細嫩嘅鰈魚配
地址：銅鑼灣登龍街28號永光中心16樓
銅鑼灣呢間曜 @youkappouhk 開咗大半年，佢哋主打日式料理🍣，有割烹料理(Omakase)、會席料理、單點美食，而最大特色喺可以由客人發辦🥢，只要提前一至兩日訂位，要求食啲咩菜/想食啲咩、幾多budget、大概咩人數，師傅就會盡量滿足你嘅要求，其他日式餐廳就未必有呢樣特色喇😎
晚市見到佢哋有2個Omakase Set同1個會席料理，竈($880)主打15品以魚類為主嘅Omakase料理🐟；曜($1280)主打熟食為主嘅會席料理🍤；炎($1380)主打18品以貝類海鮮為主嘅Omakase料理🦪。而我今次就揀咗第一款嘅「竈」套餐，有先付、刺身四點、熱食三品、壽司五點、止椀同水物，叫套餐仲可以以半價追加晚市單品食物，唔夠飽又想試多啲美食嘅人變相會食得抵好多😍
✝️先付
分別有武士帽造型盒裝住嘅花膠果凍配和風酸汁同梅汁蕃茄🍅，前者爽彈有滿滿膠質；後者有清新梅香，一啲都唔酸，同蕃茄嘅甜香好夾，非常開胃🤩
✝️刺身
4款每樣2件嘅刺身分別有炙燒過嘅鯖魚、拖羅、鰈魚海膽卷同北海道鮮帶子。炙燒過可以迫出鯖魚嘅魚油，加上炙燒香無懈可擊👊；
細嫩嘅鰈魚配上滑溜嘅鮮甜海膽，入口鮮味double up⬆️；帶子肥美飽滿，爽口清甜
✝️汁燒兵庫縣姬路和牛
A5級數嘅姬路和牛喺放牧飼養🐂，因為運動量較多，食落除咗有入口即溶嘅油脂感之餘，肉味仲會較一般嘅和牛香濃🤤
✝️自家製蝦丸大根煮
清甜嘅大根(蘿蔔) 煮得非常腍，再用咗煮大根嘅湯加松葉蟹肉打成芡汁，面頭加上毛豆，仲有自家手打超彈牙同有陣陣鮮蝦味嘅蝦丸🦐
✝️大閘蟹蟹黃蒸蛋
濃郁豐腴嘅大閘蟹蟹黃，加上毛蟹同阿拉斯加蟹嘅肉汁溝淡蟹黃嘅濃味🦀，同時提升返蟹鮮香味層次，一梳梳蟹肉絲加上嫩滑蒸蛋同栗子🌰，每啖都食到蟹嘅滋味😋
✝️壽司
原本得5款壽司，但師傅特別送多咗1件🥰：加咗蔥薑蓉提鮮嘅魴鮄魚、
味道甜美而肉質爽口嘅大池魚、魚油特別豐富甘香嘅山葵漬比目魚、刺身級肥美滑嫩嘅銀鱈魚、鮮香Cremay嘅北海道海膽、加咗少少海膽肉喺中間嘅松葉蟹肉，基本上所有壽司都調味過，就咁食已經品嚐到食材本身嘅鮮味
最後嘅止椀喺奶白Creamy充滿魚鮮香嘅鯛魚湯，而水物喺4選1味道雪糕🍨，
我就揀咗紅豆味🫘，為呢餐圓滿作結😙
張貼
