影片
更多
2020-03-01
145 瀏覽
呢晚男朋友為咗幫我慶祝搵到新工，竟然特地搵咗間喺西貢白沙灣海邊嘅高級日本餐廳食omakase，超期待啊🤣入到去已經俾佢日本木系風格裝潢吸引住，設計簡潔俐落得嚟，配合柔和嘅燈光，環境好優雅舒服，而師傅同店員都好友善客氣，安排咗我哋坐bar枱，可以邊欣賞住專業嘅廚藝手細，邊品嚐住細膩嘅味道😳👅未上菜之前，店員斟咗兩杯來自日本白神山嘅天然泉水俾我哋，而泉水比一般嘅水更清純健康，證明無論食用定飲用都咁講究🧐 木盒煙燻效果三款前菜開盒之前，師傅提醒我哋要影低佢開蓋嘅後嘅煙霧效果，又真係估唔到咁驚喜！開出嚟後嘅木盒，好似一份藝術品😌 擺盤十分精美之餘，原來食物都係由左至右，淡至濃咁，用心考慮過再擺出嚟，而聽住師傅嘅介紹每一道菜式，更加明白佢對食材嘅別出心裁👍🏻👨🏻🍳用白神山水，京都銀杏造嘅豆腐，上面嘅北海道小八爪魚嘅鮮味，同淡香嘅豆乳味道好夾，入口好滑溜🤤銀杏用烤焗過之後，已經散發住佢完本嘅清香味，而上面少少嘅鹽粒亦點綴咗佢嘅味道。䄂子魚肝用咗䄂子去癖走咗本身魚竿嘅腥味，食落去質感好軟滑，彷彿交響樂咁。刺身- 深海池魚王拼金目鯛賣相擺得好靚，有金目鯛及深海池魚皇，切得好厚身，食落味道好甘香鮮甜，
入到去已經俾佢日本木系風格裝潢吸引住，設計簡潔俐落得嚟，配合柔和嘅燈光，環境好優雅舒服，而師傅同店員都好友善客氣，安排咗我哋坐bar枱，可以邊欣賞住專業嘅廚藝手細，邊品嚐住細膩嘅味道😳👅
未上菜之前，店員斟咗兩杯來自日本白神山嘅天然泉水俾我哋，而泉水比一般嘅水更清純健康，證明無論食用定飲用都咁講究🧐
木盒煙燻效果三款前菜
開盒之前，師傅提醒我哋要影低佢開蓋嘅後嘅煙霧效果，又真係估唔到咁驚喜！開出嚟後嘅木盒，好似一份藝術品😌 擺盤十分精美之餘，原來食物都係由左至右，淡至濃咁，用心考慮過再擺出嚟，而聽住師傅嘅介紹每一道菜式，更加明白佢對食材嘅別出心裁👍🏻👨🏻🍳
用白神山水，京都銀杏造嘅豆腐，上面嘅北海道小八爪魚嘅鮮味，同淡香嘅豆乳味道好夾，入口好滑溜🤤
銀杏用烤焗過之後，已經散發住佢完本嘅清香味，而上面少少嘅鹽粒亦點綴咗佢嘅味道。
䄂子魚肝
用咗䄂子去癖走咗本身魚竿嘅腥味，食落去質感好軟滑，彷彿交響樂咁。
刺身- 深海池魚王拼金目鯛
賣相擺得好靚，有金目鯛及深海池魚皇，切得好厚身，食落味道好甘香鮮甜，咬落又好彈牙。 最深刻係火炙過嘅金目鯛，香氣濃郁，火侯真係掌握得啱啱好😛 最特別嘅係有自家製嘅透明醬油，師傅加入蒸餾工序，比起一般嘅醬油，佢更可以帶出魚肉本身嘅鮮味，試過真係返唔到轉頭。
蒸物- 鰻魚海膽蒸蛋
蒸蛋質感十分滑溜，上層芡汁帶出蒸蛋嘅香氣，而上面嘅海膽又濃郁又creamy，入面嘅鰻魚鮮味十足，從未試過咁好味嘅日式蒸蛋🥚😙
燒物- 甲羅燒松葉蟹
甲羅燒松葉蟹蟹蓋入面，裝咗豐富嘅松業蟹蟹籽同蟹肉，都係嗰句見到已經好開胃🤩 配上烘過嘅麵包嚟食，蟹肉鮮甜，麵包外脆內軟，蟹籽好脆，整體口感好夾，好食😋
煮物- 野菜培茶慢煮八爪魚
呢道菜特別嘅地方係用咗京都野菜同埋培茶去煮八爪魚，原本咬極都咬唔爛嘅八爪魚，經過慢煮變成非常軟熟，味道甘甜，非常特別。
手卷- 鰤魚手卷
鰤魚全世界唯日本近海獨有，冬季的鰤魚最為肥美，拎來做手卷簡直一流肥美嘅油脂充斥着我嘅口腔~~~
甜品-十勝紅豆羊羹配福岡草莓同雲呢拿雪糕
十勝紅豆羊羹上面有幾片金萡，好高級精緻，紅頭蓉係冇任何紅豆皮喺入面，食落好細滑清甜😆 而雲呢嗱雪糕係師傳特地加咗煉奶入去，令佢嘅香甜味道更出色，配上佢幼滑嘅口感，真係令呢個甜品結尾好難忘，非常滿足啊☺
張貼
