荷華庭園景餐廳 (已易手) 新餐廳

呢間位於大埔林村嘅餐廳佔地甚廣, 除咗設有室內座位之外, 想貼近大自然亦可選擇戶外雅座, 戶外更有特色包廂, 一班朋友聚餐想傾計大聲D都唔怕。法國森林野菌忌廉湯 ($60/碗)野菌湯質感唔算非常濃, 略帶菇菌香氣, 沒有一般忌廉湯嘅厚重感覺, 飲完唔會覺得膩。燒紐西蘭羊鞍半份 ($298)羊鞍燒得啱啱好, 切開肉質粉嫩仲帶點肉汁, 羊騷味唔算太重。點半份有4條骨, 2個人食就差唔多啦。薯蓉唔係走幼滑路線, 食落有粒粒薯仔, 仲好重牛油味。